وانت ماشي في الشوارع دلوقتي حتلاقي عربيات النودلز ملت الشوارع وما بين كل عربية وعربية عربية
لدرجة تخليك تسأل متي نبت في وادينا الطيب كل هذه النودلز فتعالوا نعرف الحكاية بدأت منين؟
قصة نجاح كيلوجز نودلز
بعد الحرب العالمية التانية (مامفوكا اندو) اخترع النودلز في اليابان سنة 1958 بس و للدهشة هو ماكنش ياباني وكان مفلس وكان رد سجون.
القصة بدأت بعيد في تايوان اللي كانت تحت سيطرة الحكم الياباني، اليابان في الفترة ده كانت امبراطورية و مسيطرة علي تايوان وكوريا.
اتولد اندو سنة 1910 واتربي علي ايد جده بعد وفاة ابوه وامه، جد اندو كان عنده مصنع غزل ونسيج فاتربي علي انها يبقي رجل اعمال من صغره. سافر لليابان عشان يدرس اقتصاد هناك وهو بيدرس عمل مصنع غزل ونسيج صغير سنة 1933
بعدها بسنين قليلة حصلت الحرب العالمية التانية وانتهت بهزيمة اليابان، وفي سنة 1948 اتحكم علي اندو بالسجن سنتين بسبب التهرب من الضرايب كعادة رجال الاعمال، فخسر الشركة بتاعته ولما خرج عمل شركة صغيرة بتبيع الملح.
في الفترة ده اليابان كانت بتعاني من شح الغذاء، امريكا كانت بتديلهم كميات كبيرة من القمح فكانت الحكومة بتشجع الناس ياكلوا عيش ( خبز). بس ده ماكنتش ثقافة الشعب الياباني الشعب كان بيحب النودلز.
مشكلة النودلز في اليابان انها بتتعمل بطريقة تقليديه الطباخ بيجيب العجينة ويقطعها بايده ويمطها ويقسمها عملية بطيئة وكان الناس بيترصوا في طوابير طويلة 20 و 30 متر في عز البرد عشان ياكلوا وجبة.
قد يهمك: ليه سوق عقارات دبي ناجح وعالمي!!!!
ذكاء و نجاح استثنائي
زي اي رجل اعمال شاطر اندو شاف الفرصة هنا محتاج يعمل النودلز بطريقة تخليها تتباع بطريقة تجارية، عمل زي كشك ورا بيتهم وكان بيقضي اليوم كله مع الالات يحاول.
وبعد شهور من المحاولات لقي انه لو حط النودلز علي زيت سخن جدا بتنشف وبتبقي بعد كده سريعه التحضير بمجرد ما يضيف مية سخنة. كمان اخترعها بطعم الفراخ عشان تبقي مميزة عن النودلز التقليدية، علطول عمل منتج وابتدي يبيعه.
اختراع اجتاح اسيا كلها ووصل لامريكا، في امريكا الامريكان عشان يسهلوا علي نفسهم كانوا بياخدوا النوديلز ويقسموها نصيين ويحطوها في كوبيات ورق وياكلوها بالشوك، فاخترعلهم اندو وهو عنده 61 النودلز اللي بتيجي علي شكل كوبيات. بس الكوبيات من الفلين عشان تحافظ علي درجة الحرارة ومعاها شوكة بلاستيك وده خلاه يسيطر عالسوق الامريكي.
اندو مات سنة 2007 و عمره وقتها 96 سنة، ولما كانوا بيسالوه عن طول عمره كان بيقول لانه كان بياكل نودلز كل يوم.
الشركة مدخولاتها السنوية حوالي 4 مليار دولار.
