حاجات لازم كأهلاوي تبقي متأكد منها لما تتعامل مع زملكاوي عشان متضيعش وقتك وصحتك في أي مناقشات ..
– مبدئيا بتعرف أنك كأهلاوي مقصر دايما في الاحتفال لما بتفوز بالدوري , لأن الزملكاوية لما بياخدوا الدوري بيقيموا الأفرح 3 سنين minimum .
– كاس مصر تالت أهم بطولة في الكرة الأرضية بعد كاس العالم وبطولة أفريقيا لكرة اليد .
– بتحس ان كاس العالم للأندية دورة ودية ملهاش أي ستين لازمة
– بتتأكد أن عيشتك كلها حرام وبتشجع نادي هيخش النار لو مكانش عشان بطولاته حرام يبقي عشان اسمهم الشياطين الحمر .
– الاهلى لما رفض يلعب ماتش القمة الدور الاول السنة اللي فاتت بدري كان عشان خايف من ساسي ، انت خايف تلاعبني ليه يا جهلاوي بوووومممممم ، الدور التانى الاهلى خايف يلاعب الزمالك متاخر بسبب ساسي برضو ، اصل ساسي بيتحول لاندريس انييستا بعد الظهر ، لكن السنادي ماتش القمة الدور الاول اتأجل من غير سبب ب طلبهم عشان احنا خايفين من ساسي بردو .. انه مدهش !!
– مهما تغير الراعي بتاعك بتفضل وكالة الأهرام هي السبب الرئيسي في انك لسا بتاخد بطولات , ولو وكالة الأهرام بقت راعي للزمالك هتفضل هي اللي بتخلي الأهلي يكسب برضه مفيهاش نقاش دي .
– أي رئيس في تاريخ الأهلي يا اما سكري يا حرامي يا بتاع نسوان لازم تبقي متأكد من كدة . ويا خطيب يا بتاع ماجدة هه بوم بوم
– أي كلام في الكورة بتتكلمه كمشجع للأهلي يبقي بيب بيب علي طول من غير تفكير .
– لما الاهلى كسب الكونفدرالية كان دورة رمضانية ، بس لما الزمالك كسب الكونفدرالية بقت تانى اهم بطولة فى العالم بعد كاس مصر
– انت كأهلاوي لازم تبقي لملوم وبتشجع نادي اللماليم عشان اشتريت 3 لاعيبة من برة النادي , حتي لو الزمالك جايب ال 11 من برة النادي هتفضل انت اللي لملوم برضه مش هم .
– جمال عبد الناصر كان عامل قرارات التأميم عشان يهد استقرار نادي الملوك , والسادات حارب في اكتوبر عشان الأهلي ياخد الدوري , ومبارك راح حارب في الكويت عشان يرجع شوية أهلاوية كانوا محاصرين هناك , النظام دايما أهلاوي حتي لو كان اسمك نادي فاروق .
– انت بتشجع الأهلي عشان بيكسب مش عشان بتفهم في الكورة .
– هيحفل عليك عشان خسرت 5 من صنداونز رغم انه خسر من نفس الفرقة 3 مرات فى بطولة واحدة منهم مرة فى قلب مصر وخدوا منهم البطولة
– انت بتحب الأهلي عشان بيكسب انما حب الكيان الأبيض ده بيتنقل للي جابوهم عن طريق الحبل السري مباشرة .
– أي تيشيرت للزمالك يبقي تصميم فاخر لجماهير الصفوة انما تيشيرتات الأهلي كلها بنت كلب بيئة .
– مصطفي مراد فهمي تاريخ ميلاده الحقيقي 1800 قبل الميلاد عشان كدة الأهلي بيكسب في أفريقيا بسببه لأن جدوده هم اللي اكتشفوا القارة اللي احنا فيها .
– عبد الله السعيد لما كان فى الاهلى كان لاعب عادى وواخد اكتر من حقه بس لما طلع من الاهلى بقى عالمي والاهلى واقف عليه وبيطير فى الجو وبيشخ رابسو وبيعمل حمام شهامة وفن
– الأهلي بيوصل لمراحل متقدمة في دوري الأبطال دايما عشان القرعة بتخدمه أنما الزمالك أفريقيا تعرف أمجاده حتي لو مش موجود أصلا .
– لو حد شتم الاهلى هيشيروا البوست ويكتبوا بوووم لكن لو نفس الشخص شتمهم هيبقي وحش اوي
– أي غلطات تحكيمية في الدوري لازم تعرف انها موجودة عشان الأهلي لو يوم الحظ سابه حكامه بتلحقه , و الغلطات دي بتبقي جزء من متعة كرة القدم بس لو الزمالك هيستفيد منها ومرة من نفسهم بقي هههه.
– جايزة نادى القرن اتعملت بالنقط مخصوص للنادى الاهلى ، رغم انها لما اتعملت بالنقط كان الزمالك متفوق وقبل ما الاهلى يكسبها بعشر سنين ! لا برضو اتعملت مخصوص للنادى الاهلى
– 90% من قائمة الاهلى لاعيبة من ناشئين النادى بس مهما اخدنا بطولات هيجوا يقولك البطولة دي بلاعيبة الاسماعيلي ، ايوة بلاعيبة الاسماعيلي انت هتعرف اكتر من ندي بنت زامورا ولا ايه ؟
– لو اتحاد الكورة رفض مطالب الاهلى يبقى الاهلى اتفشخ وبيبو ميحكمش بس لو اتحاد الكورة نفذ مطالب الاهلى يبقى نادى الدولة وننوس عين امه
– حارس مرمي مصر الأوحد بياخد اللقب ده بس طالما بيلعب في الزمالك، لما بيخرج من الزمالك زي الشناوى بيبقى خرم..
وطبعا لازم تتعود علي نغمة بطولاتنا حلال والحظ وبيب بيب وجمهور الزمالك ناس نضيفة وجمهور الاهلى ناس بيئة وهما بس اللى بيفهموا
– جنش حارس مصر الاول وعواد حارس مصر الاول وابو جبل حارس مصر الاول ، اه التلاتة مشتركين مع بعض في مشترك واحد
– ابو تريكة لاعب تعبان عشان محترفش .. لكن طارق حامد احسن نص ملعب في الكوكب رغم انه ملعبش في مركز شباب في اوروبا حتي
– كهربا طول ماهو في الزمالك اهم لاعب في مصر ، راح الاهلي بقي تعبان ، انت عاوزه يتكلم بالعقل ازاي ؟
– شيكا في ٢٠١٧ بيبقي عالة وفي ٢٠٢٠ هتلاقيه اسطورة عادي اوعي تتفاجئ لو اتناقشت معاه ساعة هيخليهولك احسن من ميسي
– اجوال الاهلي +٩٠ دي حظ ، لكن اغلب بطولات الزمالك اللي بركلات الترجيح دي بتبقي ملحمة للتاريخ هيقرفوا بيها الاجيال الجاية
– اي لاعب في الزمالك هو لاعب مصر الاول في مركزه ، هو اه لما بيخسروا ماتشين بيبقي لاعب عالة وتعبان بس هنعترض ولا ايه ؟!!!
لنا الله والله .. فقعتونا
