تعمل ايه لو اتصبت بفيروس فدية اللي بيشفر الملفات، وانت مش قادر تشيل الملفات اللي اتشفرت
او تفرمت الجهاز علشان عليها حاجة مهمة زي صور او فيديوهات او غيره.
قد يهمك: الذكاء الصناعي .,,, الاصطناعي أسئلة واجابات
طرق التخلص من فيروس فدية
- اول حاجة اما انك تشيل الفيروس من خلال البرنامج ده
http://downloads.malwarebytes.com/file/mb4_offline
- او انك تشيل الويندوز كله وتنزل ويندوز جديد بس متفرمتش طبعا الهارد كله هتفرمت السي فقط اللي عليه الويندوز ومتقلقش الداتا المشفرة من صور او غيره لا تمثل تهديد على السيستم الجديد هي مش الج/ا/ني هي الض/ح/ية وتغيير الويندوز علشان نوقف الفيروس.
- واي كلمات سر متخزنة في المتصفح تغيرها فورا لان الفيروس بي/س/رق كل الكلمات دي بعد كده الخطوة اللي بعدها نعرف نوع التشفير اوفلاين ولا اونلاين.
طيب هنعرفها منين ؟؟
التعرف على نوع التشفير
بعد ما الفيروس يشفرلك ملفاتك بكام ساعة مثلا او تاني يوم هتجيلك رسالة بيقولك فيها ادفع كذا وارجعلك الملفات ولو دفعت في خلال تلات ايام هتدفع النص.
وطبعا الدفع بالبيتكوين يعني لازم تشتري بيتكوين علشان تقدر تدفع ودي مشكلة في حد ذاتها لاسباب كتير مش وقتها.
واساسا مش مضمون انه يلتزم بكلمته في كل فولدر تم تشفير ملفاته هتلاقي فايل نصي اسمه readme
الفايل ده جواه حاجة اسمها your personal id
وهتلاقيه ارقام وحروف كتير لو اخرهم t1 يبقى التشفير بتاعك اوفلاين وفرصة فك التشفير اكبر اما لو غير كده فيبقى نوع التشفير اونلاين.
بالنسبة للفيديوهات فيه توول معمولة بتحاول تعمل تصليح للفايل وده اللينك بتاعها بس لازم يكون فيه فايل تاني مش مشفر اتصور بنفس الكاميرا او ليه نفس الاعدادات علشان يتاخد مرجع للاصلاح
https://www.disktuna.com/media_repair-file-repair-for…/
بالنسبة لملفات ال pdf
ممكن تجرب الموقع ده هيحاول يصلحلك الفايل بس مش اكيد
https://www.ilovepdf.com/repair-pdf
بالنسبة للصور لو الفيروس بتاعك من عائلة stop-djvu
فيه اداة مدفوعة بتلاتين دولار في الشهر بتحاول تصلحلك الصور من امتدادات jpg – jpeg وده اللينك بتاعها
https://www.jpegmedic.com/tools/jpegmedic-arwe/
اخيرا لو التشفير بتاعك اوفلاين ومن نفس العيلة اللي ذكرناها فوق فانت ممكن تنزل التوول دي وتجربها كل اسبوعين .
بتنزل مفاتيح فك تشفير جديدة لفيروسات جديدة من نفس العيلة وطبعا لازم تبقى فاهم ان استعادة اي صور تكون على هارد خارجي مش نفس الهارد
https://www.emsisoft.com/ransomware-decryption/stop-djvu/
وعلشان البوست ميطولش هابقى اقولك في بوست تاني تعمل ايه علشان متتصابش اصلا
