أنك تعين مدير ناجح فدا إنجاز في حد ذاته، وده لان المدير الناجح ها يكون أحد اسباب اما نجاح او فشل أي شركة، وعشان كدة الواقع العملي يعلمنا ان أي مدير ناجح بيكون عنده صفات ومميزات محددة، او المعايير الأهم لأي مدير ناجح : –
1- الإيمان بثقافة الشركة :
ثقافة أي شركة بتكون جزء مهم من هوية الشركة، فالفرق بين المدير الجيد والمدير العظيم هو أن الأخير يقدر يعظم منها وكمان أنه يقنع فريق عمله بيها، ويحفزهم للشغل على أساسها، والمديرين اللي ينجحوا في ده ينجحوا كمان في كل المهام المطلوبة منهم حتى لو مش حبينها لأنهم مؤمنين بالشركة بأهدافها.”
2- الإيجابية :
المدير لازم يشوف الشيء الجيد في كل موقف وفي كل عضو في فريقه وكمان حتى في المنافسين عشان يستثمره في تحقيق اهداف الشركة في النهاية، ولازم كمان يكون يعلم فريقه انهم يكنوا زيه انهم في كل خطوه يدوروا على الجانب الايجابي.
3- التركيز/ ترتيب الأولويات :
من اكتر الأخطاء في أي شركة هو عدم وجود جدول مهام واضح لفريق العمل، المدير الناجح دايما يشتغل على تقسيم المهام بين أعضاء فريقه بشكل فعال عشان ينجحوا في التركيز عليها واتمامها، فالتركيز عامل أساسي لتحقيق أي مهمة.
4- الصدق :
التواصل من أهم أدوات اي فريق عمل ناجح، عشان كده المدير الناجح يعرف دايما يوصل المعلومات الصح لفريقه في الوقت المناسب ويكسب ثقتهم من خلال صدقها، وكمان يفرق بين المعلومة الي تفيد فريقه والمعلومة اللي ها تعطلهم وتخلق نقاش او جدال او ضغط عليهم، فالمعرفة بتكون بس على قدر الحاجة.
5- التشجيع :
المدير الناجح يعرف كيف يشجع وحفز كل فرد فيهم بالطريقة الأنسب ليه، سواء كان موظف جديد عاوز يتعلم او موظف خبرة عشان يقوم بعمل ممكن يكون روتيني بالنسبة له، المدير الأنجح يتعامل مع الكل عشان يطلع منهم أفضل نتائج.
6- المرونة:
المدير الناجح ها يعرف دايما أن في مفاجئات ومستجدات بتحصل في تنفيذ المهام، ويكون عنده المرونة في اختيار الحلول الأسرع والانسب لمواجهتها، وانه كمان يعلم فريقه اذاي يتعاملوا مع أي ظروف ها تواجههم وازاي يكون عندهم المرونة للتغلب عليها.
7- الفعالية في اتخاذ القرار :
المدير الناجح دايما قراراته بتكون مبنية على معلومات واضحة، ويختار الوقت والأدوات الأنسب لتنفيذه بشكل فعال، ويعرف دايما اذاي يستخدم الموارد المتاحة ليه بشكل فعال في تحقيق اهداف الفريق.
8- تحمل المسؤولية :
المدير الناجح بيتعامل مع القرار والمسؤولية على انهم وجهين لعملة واحده، ويتحمل المسؤولية النهائية عن قراراته وكمان على نتائج الفريق، حتى لو الأمور لم تسير كما تم التخطيط له، وبكدة يكون قدوة لفريق في تحمل تبعات القرارات
9- الصبر :
واحدة من مهارات الأهم لأي مدير ناجح هي معرفة ان الوقت عامل مهم لأي تطور سواء في تنفيذ المهام او في معرفه الفريق لقدراته، وكمان الفرق بين تحفيز افراد الفريق للوصول لمعدل انجاز مقبول وبين استعجالهم لتسليم اعمال غير مكتملة.
10- المهنية :
المدير الناجح يلزم نفسه وفريقه بالقواعد الأخلاقية للمهنة، النزاهة في العمل مع فريق العمل، لأنها أساس للثقة داخل الفريق، فالمدير الذي لا يمكن ان تثق فيه ليس بمدير ولكنة خطر علي فريق العمل وعلى المنظمة بالكامل. 
