1/ اشكري فيه قدام اهلك (بيحبوا جملة لا والله مش مخليني محتاجة حاجة ) فكرة ترديد الجملة دى برمجة لعقله كفيله تخليه يحاول فعلا يجيب لبيته كل حاجة 
😍
2/ قوليله يا راجلى .. يا سندى هما بيحبوا اوى الكلمات دى اللى تحسيها جاية من بيدج احتواء اكتفاء الحاجات اللي فيها عمق دى 
😂😂
3/ اى حد بيبقي في مواضيع معينة بيفهم فيها كويس اتعمدى اسأليه في المواضيع دى وتجنبي غيرها وياسلام بقي لو عندك اطفال وسألوكى فى حاجة هو بيفهم فيها قوليلهم بابي هو اكتر واحد هيفيدكم يا سلام على بابا وعلى افكاره 
👪
💪
4/ وقت الماتش أو أى وقت مشغول بيعمل حاجة بلاش تقولى اقفل الماتش أو ركز معايا أو يحلى الكلام الوقت ده قوليله قبلها ان بعد ما تخلص الماتش بس عايزاك فى موضوع وحددى ايه الموضوع عشان ميفضلش طول الماتش يفكر ازاى يتحجج بأى حاجة عشان ميتكلمش ظنا منه ان فقرة النكد ممكن تشتغل 😂😂
5/ سبيه يقول من وقت للتانى لاء .. بمعنى لو هو بيقول دايما أيوه ومره قال على حاجة مش منطقية بالنسبالك لاء عليها معلش عديها وخليها عليكى .. واحنا فى قاعدة مغلقة كده هقولك ايه سيكولوجية الرجل وليه من وقت للتانى لازم تعديله رفض حاجات منطقية بالنسبالك.. 
👦
6/ اديله برستيجه على نفس خطى زوجة فؤاد المهندس الله يرحمها لما كانت بتديله برستيجه قدام الناس بس بالله عليكى متعمليش زيها وتسحبيها منه لما تبقوا لوحدكم وافتكرى دايما الاية اللى بتقول لن تنالوا البر حتى تنفقوا مما تحبون اديله احترامه ووضعه عشان يحترمك 
👍
☺
7/ حسسيه باحتياجك ليه .. الراجل مش بيحب الست الضعيفة فى المطلق لكن بيحبها قوية بس جنبه هى بتتعلم منه وطول الوقت بتستمد منه قوتها بعد ربنا على نفس خطى برضة انت معلم واحنا منك بنتعلم
8/ دورى على الحاجة اللى بتبسطه هو مش اللي بتبسطك انتى بمعنى ينفع تجيبي لأرنب شاورما من عند سمسمة اللى انا بموت فيها اقصد يعنى لو بتحبي الشورما انتى كمان وتقولى ليه الأرنب مش بياكل ده أرنب غريب اوى 😂😂😂 … اكيد لاء 
😉
لو انتى بتحبي الكلام طول الوقت مش بالضرورة انه بيكون بيحب كده
لو بتحبي الخروج مش بالضرورة يكون ده اللى بيبسطه .. طيب اعرف هو بيحب ايه منين؟؟ اساليه ايه اللى لو عملته يخليك مبسوط الله يكرمك بلاش تخمينات..طب لو سألتيه ولا ركز لاحظى ايه الحاجة اللى لما بتعمليها بعدها بيبقي راضي
9/ اتكلمى عن انجازاته كتير فاكر يا حبيبى لما انت قتلت الصرصار اللى كنت بجرى منه من الخوف .. فاكر العربية لما عطلت وعرفت تصلحها .. فاكر فاكر (يا سلام مين ميحبش يلاقى اللى قدامه فاكر الحلو اللى عرف يعمله)
10/ اتصلي بي وهو فى الشغل من غير ما تطلبيىحاجة قوليله انا بطمن عليك بس وهقفل ربنا ييسر يومك وشغلك
11/ اسنديه معنويا لو مر بتعسر مادى .. قوليله دايما انا جنبك وانا واثقة فيك كفاية انك بتسعى بالحلال قوليله دايما بكرة تروق وتحلى 
👂
💓
12/ بلاش الغيرة اللى من نوع فاكر من خمس سنين كان فى واحدة عاملة لايك على صورتك كانت لابسة جيب صفرا وطرحة فوحلقي بلاش الغيرة اللى تبرمج على الشك فمن ثم تبرمج على الخيانة 
😆
👯
👭
13/ لو خارجة معاه تشتروا حاجة اعرفى انه مش زيك عنده طوله بال اكتبي اللى محتاجاه فى ورقة قبل ما تنزلوا وجيبي اللى فى الورقة بس ويوم تانى مع صحابك للحيرة وللف وللبس اللى بيتجاب عشان تلبسيه لما تخسي ☺☺
14/ بلاش تستقبليه بالمشاكل هو بيشوف كتير اوى في شغله بالنسباله البيت هو مصدر الراحة الوحيد 
😘
15/ افهمى اعتذاره معظمهم للاسف بيعتذروا بهدية من غير كلمة اعتذار او يرجع من الشغل يتكلم وكأن مفيش حاجة حصلت اعرفى ان ده اعتذار وفى وقت روقان خليه يعترف انه مكنش ينفع يتصرف كده ولازم بعد كده ياخد باله
16/ اكتر ثلاث جمل الراجل بيحبهم (حاضر / انا قولت لازم اعرفك الاول/ انت احسن راجل فى الدنيا) 😍
17/ اكتر ثلاث جمل الراجل بيكرهم (انا زهقت //ما شوفتش معاك يوم حلو/انت مبتتغيرش)
😀
18/ دورى على حاجة بتلاقي نفسك فيها واعمليها اى انجاز فى حياتك هيخليكى مبسوطة لانك لو اتبسطتى هتعرفى تبسطى كل اللى حوليكى
19/ صاحبي ستات مبسوطين فى جوازتهم طب لو مفيش ؟ يبقي اختاري اللى تقعدى معاهم تفكروا ازاى بيتكم يكون للاحسن .. مش طول الوقت بنحكى قصة حمادة الخاين وتوتو ابو عين زايغه وعمر اللى اتجوز على مراته والرجالة ملهاش امان وووو يا اختتتتي انتى عارفة بقي😂😂😂😂😂
20/ ملقتوش أفكار احضروا كورسات اتفرجوا على برامج أسرية على اليوتيوب أو اسألوا حد متخصص لكن متسبوش نفسكم للفراغ ده الله يكرمكم
🙌
🙆
21/ اعملى الحاجة اللى بيحبها وعرفيه انك عملتيها عشان عارفة انه بيحبها .. بمعنى هو بيحب ايس كريم انتى ممكن تعمليه وتسبيه فى الثلاجة وهو لما يشوفه ياكل لا فى فن اسمه فن تقديم الحاجة اللى تعبتى فيها عشانه … هتقولى جمله بسيطه حبيبى انا عملالك الايس كريم عشان عارفة انك بتحبه والله طول ما بعمله بدعى يطلع حلو عشان يعجبك ده لو بيحب الايس كريم يعنى 😆
😇
22/ وقت الغضب وخصوصا وهو عصبي متقفيش قدامه ..معلومة قديمة مش كده؟ الجديد بقي انك تبينى حزنك لكن مش رفضك للصفة دى فيه يعنى بلاش بصات اللى من نوعيه بطل بقي او تقاوحى وهو متعصب .. اى رفض لصفة صعبة فى هتخليه يعاند اكتر 
😥
23/ متحكيش مشاكلكم لاهلك انتم هتنسوها مع الوقت هما هيفضلوا فاكرينها 
😷
24/ الراجل عمتا لازم تكسبيه عن طريق العقل والجسد والروح اى راجل فى حاجة بيحبها اكتر من حاجة يعنى بيحب الاكل مينفعش بقي مع ده تكونى مش بتعرفى تعملى اكل او اكلك عادى .. بيحب علاقتكم الشخصية يبقي كل يوم حد جديد مرة نانسي مرة اليسا مرة تبقي شبه هانى شاكر بس بالله عليكى بلاش هايفة عشان مش بحبها ..بيحب العقل اقلبيله مديرة اعمال اساليه دايما علي شغله وتابعى معاه وده بالذات بيحب التقدير اوى
25/ عرفيه على بيدج محو الأمية الزوجية_مايسة كمال قوليله البيدج دى بتقدم نصائح للزوجات ازاى نتعامل معاكم فهو يدخل يلاقي نصائح ازاى يتعامل كويس معاكي انتي 😂
26/بيحبوا التغيير جدا غيرى من وقت للتانى من شكلك وحتى من اماكن اساس البيت
👸
27/ لو فى صفة في مش عجباكى مثلا بيخرج مع صحابه كتير كل ما هتقولى ان ده بيضايقك هتلاقى الموضوع زاد سبيه يخرج معاهم وكل شوية قولى قدامه انت من الناس اللى بتخرج مع صحابك وبرضة بتراعى بيتك وعلى قد ما تقدر بتحاول تخرجنا .. رددى قدامه الصفة اللى انتى عايزها مش اللى مش عايزها .. عارفة انها محتاجة صبر شوية
👹
28/ افهمى ان مش كل حاجة كنتى بتشوفيها فى بيتك من نكد لازم تعيشيها فى بيت جوزك دى حياة وانتى حياة تانية 
👌
29/اصبرى على أى معلومة جديدة بتعرفيها مش لازم تاخدى رد فعل اللى عايزاه على طول لكن تكرار التصرفات الصح هتوصلك فعلا للتغيير الافضل في بيتك (النقطة دي مهمة)
30/ قوليله أنا واثقة انك تقدر 💪💪
31/شوفى اكتر شخصية بيحبها فى اهله وحاولى توديها دايما
32/ لما يتكلم وسط ناس ركزى معاه وطول ما بيتكلم ايوة فعلا .. يا خبر عليك بتتكلم فى حاجات انا مخدش بالى منها ده لو بيتكلم صح يعنى 😂😂
33/ بلاش تقارنى بين بيتك وبيت صاحبتك فكرة المقارنة عمتا هو مبيحبهاش 😉
34/ لما يكون مضايق وعنده مشاكل فى شغله سبيه لما يهدي وبعدين اطلبي تكونى جنبه 
😚
45/ ماتفتشيش موبيله انتى اللي هتتعبي والله واتأكدى ان لو فى حاجة ربنا هيعرفهالك وهيظهرها من غير تفتيش منك
36/ اشكريه علي أي حاجة بيعملها عشان هو كمان يبقي عنده ثقافة الشكر ويشكرك ☺
37/ عرفيه على بيدج محو الأمية الزوجية_مايسة كمال قوليله البيدج دى بتقدم نصائح للزوجات ازاى نتعامل معاكم فهو يدخل يلاقي نصائح ازاى يتعامل معاكي انتي 😂
38/ اللى مضايقك من أهله لو معرفتيش تكسبيه تجنبيه مش كل الناس هتعرفى ترضيهم المهم متبقيش انتي اللي بتفتعلي المشاكل
39/ اضحكي فى وشه أول لما يجي من الشغل
40/ ادعيله دعوة حلوة وهو رايح الشغل
