تعقيبا على مقال الجبنه نباتى الدهن السابق
قد يهمك: حقيقة مكونات الجبنة المعلبة نباتية الدهن!!
و تعليقات بعض الناس
اللى هى من نوعية:
انت بتهبد و بتقول كلام من غير دليل
ان معلوماتى غلط و ان زيت النخيل لا يتجاوز ال ٣% من وزن العلبه
او انت بتهاجم الحكومه ليه؟!
او انت شغال فشركه منافسه و بتضرب فالشركات التانيه….
بص…
انا هرد عليكم فكام نقطه فايجاز
بدائل صحية وردود منطقية
١- انا مش مصلحتى اى حاجه… كل جبنه نباتى الدهن براحتك انا ممنعتكش… انا قولتلك بس خلى بالك… و انت حر
٢- البدايل كتير اوى… من اول الجبنه القريش… لحد ان الجبنه اصلا بتتعمل فالبيت ووسهله… و ممكن تشترى جبنه مضمونه من البقالات او السوبر ماركت اللى انت بتضمنها و بتثق فيها…. و لو انت من الاثرياء و معاك فلوس اشترى العلب اللى مكتوب عليها طبيعى ١٠٠%
٣- انا مش بهاجم الحكومه… الحكومه الله يكون فعونها… بس التحايل موجود و الخير و الشر موجودين مهما عملت من رقابه… و السوق مليان بالحلو و مليان بالوحش و متقدرش تمنع الوحش
٤- انا مش شغال فشركه و بضارب… انا صيدلى بسيط… هدفى و دورى اقولك دا حلو و دا مش حلو
بلفت نظرك
بقولك خلى بالك
و انت يا سيدى راجع ورايا مش عيب
اما بقا الناس اللى بتبرر الجبنه نباتى الدهن و طريقة تصنيعها
و انى اجهل طريقة تصنيعها
و بقول كلام من غير دليل…
ايوا يا سيدى انا مبعرفش بتتصنع ازاى
و مش مهتم انى اعرف
و محللتش الجبنه عشان اعرف
بس انا كمواطن عادى و مستهلك
لفت نظرى شوية حاجات كدا سالتها لنفسى
قد يهمك: مولتو ماجنم وسندوتش.. “مش باظظ خالص”
تساؤلات محيرة
١- الجبنه طول عمرنا نعرف انها لبن طبيعى ١٠٠%… ليه مش مكتوب على العلب و بشكل واضح و صريح انها مصنوعه من لبن طبيعى ١٠٠% بينما فى شركات بالفعل كتباها ؟؟!!!
٢- طيب هو ليه اصلا كاتبين عليها انها نباتى الدهن؟!!! طالاما ان مكونها الرئيسى هو اللبن؟!!
٣- طب ليه كاتبين المكونات لبن و زيت نخيل و سايبينها عايمه و مش محددين نسب؟؟!!
ما تقول مثلا والله انا حاطط زيت نخيل بنسبة ١٠% و لبن ٩٠%… او العكس
٤- طب ازاى جبنه بطعم الجبنه الاسطنبولى؟!
يعنى ايه جبنه بطعم جبنه؟؟! حد يفهمنى دى
ما لو عايز جبنه اسطنبولى انزل اشترى اسطنبولى
لو عايز جبنه رومى انزل اشترى جبنه رومى
و بصفه عامه انا دايما كلامى عن الفئه اللى بتستخدم الحاجات دى بشكل يومى و بكميات كبيره… دى اللى معرضه للمخاطر
لكن زيت النخيل فحد ذاته لو استخدمنا باعتدال و كميات صحيه مش هيسبب ضرر
انا مش بهاجم حد
و مش بهاجم شركات بعينها…
السكر بيجيب مرض السكر
لكن مقدرش اقول ان السكر سم بيسبب الامراض ووبالتالى نقطعه من السوق
و لكن بننظم استخدامه
و فالاول و الاخر
انت حر
انت حرررررررررر
انا اللى عندى قولته و انت ربنا مديلك عقل و انت سيد قرارك
انا بقولك دا حلو و دا مش حلو خلى بالك منه و بس
بتكلم بطريقه ساخره اه…. بس لان دى طريقتى و اسلوبى
لا فرضت عليك حاجه
ولا باخد منك فلوس
ولا بعمل اعلانات لادويه او اى منتج على الصفحه عشان مصداقية الصفحه
و اللى معايا من زمان عارفنى
قد يهمك: قطعة الشيكولاتة الأخيرة || من كتابات د : أحمد خالد توفيق
