أسباب نجاح سوق عقارات دبي
1- مراقبة كاملة من الحكومة لكل اطراف السوق مشتري ومسوق ومطور.
2- سهولة الحصول على تاريخ اي عقار بتشتريه اتباع بكام واتأجر بكام آخر ٥ سنين.
3- تسجيل بيع اي عقار خلال نص ساعة وممكن تعملها في المول.
4- ممنوع اعطاء معلومة غلط للعميل من الوسيط العقاري والا يتغرم من الحكومة ويتوقف عن العمل
5- لو عايش بره دبي اي حد يقدر يشتريلك عقار باسمك من غير ماتروح دبي.
5- تاخد اقامة فورًا من ٣ الى ١٠ سنين لو اشتريت عقار بمليون درهم او اكتر حتى لو تحت الانشاء.
6- لما بتأجر عقارك بتاخد الايجار مقدم كل ٣ شهور او ممكن تاخد السنة كاملة مقدم.
7- اي مشاكل بين المؤجر والمستأجر عندك جهة واحدة تروح لها او حتى تقدم شكوى اونلاين.
8- المؤجر مايقدرش يرفع سعر الايجار غير لما الجهة المسئولة تقرر وعندهم تطبيق خاص تعرف الزيادة المفروض تكون كام.
9- التطبيق ده عليه اي حاجة لها صلة بالعقارات في دبي ممكن تتخيلها في حياتك.
10- مفيش حاجة اسمها تسليم نص تشطيب في دبي الا المكاتب والمحلات.
11- تسليم العقارات السكنية لازم يتسلم بدواليب المطبخ وأحيانا بالاجهزة وكمان دواليب غرف النوم.
12- مفيش حاجة اسمها وديعة صيانة وفروق كل سنة بتدفع مبلغ سنوي ثابت حسب مساحة وسعر الوحدة.
13- عملة الامارات ودول الخليج عموما مربوطة بالدولار ثابتة على رقم من السبعينات زي ماهو يعني مفيش مخاطر.
14- مفيش قيود على تحويل الفلوس داخل او خارج بالذات لو هتشتري عقار.
15- ممكن تشتري عقار بالبتكوين.
16- مفيش مبنى يتسلم من غير چيم وحمام سباحة وساعات بيكون بملاعب تنس ومنطقة العاب اطفال.
17- المطور مايقدرش يصرف درهم من غير تصريح من مراقب الحساب التابع للدولة.
أقرأ المزيد: “أبو عوف” لوحة نجاح تجارة التجزئة وعلامة تجارية بارزة
