فرانك سيناترا متصنف كأعظم مغني في القرن الـ20.
أغنية (Frank Sinatra – My Way) واحدة من الأشهر عنده غناها وهو على مشارف الـ60 من عمره وبتلخص حياته الحافلة، حياة البرنسة والترف الجزيلة بالإثارة الزاخرة بالمتع والمغامرات، وكانت من الأكثر سماعًا عالميًا وحققت نجاح كبير جدًا وفيه أساطير تانيين غنوها كتير من ضمنهم الفيس بريسلي (Elvis)
كتبها له المغني الكندي، الشاب وقتها، Paul Anka على نغمة أغنية فرنسية كان في البداية كارهها جدًا بس كان فيه شيء ما جاذبه ليها، وفي الأخر أنتهى بيه الحال إنه عمل أغنية فرنسية ناجحة جدًا على نغمتها وبعد كدا عمل الأغنية الإنجليزية دي بكلمات أخرى مختلفة تمامًا.
الأغنية دي ايضًا مشهور عنها إن فيه تصادف كبير ما بين تشغيلها في أندية الـkaraoke وبين حوادث القتل (يعني ناس بتتقتل أثناء ما الأغنية دي شغالة) بس الرابط حتى الآن عليه جدل.
من المعلومات الطريفة عن فرانك سيناترا :
• عمره ما أتعلم قراءة المزيكا في حياته!
• كان بيكره سماع صوته في التسجيل، وأكبر أغانيه العالمية كان هو بيكرهها ويمقتها لدرجة إنه كان بيشتم الأغنية بأقذع شتائم كل ما يسمعها.
• كان بيمقت مزيكا الروك أند رول من كل قلبه وبيقول عنها إنها أسوأ ظاهرة شافها أو سمعها في حياته
• من القلائل جدًا اللي ليهم 3 نجوم في ممشى المشاهير في هوليوود، واحدة للغناء والآخرين للتمثيل (سينما وتليفزيون، بس تامر حسني ممكن يحصله لو سبناه شوية!)
• كان من اشرس المساندين للمساواة وحقوق الإنسان بجميع ألوانه وأطيافه، لدرجة إنه كان بيستخدم مكانته عند المافيا الإيطالية عشان يمنح السود والمستضعفين كل القوة الممكنة والمساعدات اللازمة إنهم ينالوا حقوقهم!! وكان بيرفض الإقامة في أي فندق والغناء في أي مكان لا يسمح بدخول السود.
• هو و الفنان العالمي الشهير بالأب الروحي (مارلون براندو) كانوا بيكرهوا بعض عمى!
• وكان دايمًا بيمشي بثلة من الدنانير (الفكة) لأنه في مرة كانت عصابة خاطفة ابنه وبيتكلم معاهم في تليفونات الشوارع (كما طلبوا) وكان عنده رعب من إن الفكة معاه تخلص ولذلك بقى مهووس بالمشي بفكة طوال حياته وأتدفن وبعضها في جيبه!
• أيضًا كان معروف انه معشوق النساء لدرجة أنه مرة أتسجن بتهمة “إغراؤه لإمرأة متزوجة! وكان دايمًا بيدخل في مشاكل ومتاعب بسبب علاقاته النسائية.
• أغنية Something العظيمة بتاعت الBeatles ريميك لأغنية لسيناترا وهي معلومة لا يعرفها الكثير
• كان بيعشق شخصية الچوكر جدًا لدرجة إنه كان هيموت على لعب الشخصية في مسلسل باتمان ولكن كان فيه ممثل تاني أسمه Cesar Romero مضى التعاقد وفرانك أستشاط غضبه، وكان معروض عليه بطلو فيلم Die Hard!!
• في مرة في حفلة أتكلم عن حبه لنوع معين من الـJack Daniel’s بعدها تقريبًا فوريًا مبيعات النوع دا من الويسكي زادت أكثر من الضعف!
• في مرة أيضًا المغني جورج مايكل كان بيشتكي من “لعنة أو مأسآة الشهرة.” فرانك أعتبر الموضوع محن زيادة عن اللزوم وخد الموضوع كإهانة شخصية وبعث له رسالة مضمونها :
“The tragedy of fame is when no one shows up and you’re singing to the cleaning lady!!”
• كان أيضـًا صحفي من شيكاغو بيعمل حوار مع زوجة فرانك وبيقول لها “انتي شايفة إيه في هذا العجوز اللي راحت عليه ذو الـ119 رطل.” ردت عليه..
Well, I’ll tell you, nineteen pounds is cock!!
• أسم Scooby Doo مستوحى من شوية همهمة كان فرانك بيقولها في أخر أغنية Strangers in the Night!
• في أغنية That’s Life كان صوته في صوت غضب ودا لأن المنتج كان كل ما سيناترا ينهي تسجيل الأغنية يستدعيه لإعادة تسجيلها وفي أخر مرة كان غاضب جدًا من التكرار ودا اللي بالظبط كانوا عايزينه في الأغنية!
• فرانك كان محظوظ ببعض الأصدقاء والزملاء الأنقياء جدًا وأكبرهم Harry James اللي بدلًا من أن يربط فرانك، أعتقه من شروط عقد ما بينهم مما سمح لفرانك إنه يجي له عقد غير حياته كلها وأطلقه لعنان السماء من Tommy Dorsey.
• تقديرا لأسطورية فرانك وتبجيل لاس فيجاس له وإرتباطه بهم، بعد موته، كازينوهات لاس فيجاس أوقفت الرهانات لمدة دقيقة كاملة!
• موت فرانك صادف الحلقة الأخيرة من مسلسل Seinfeld ولذلك الإسعاف وصلت له بسرعة الصاروخ لأن كل الناس كانت في بيوتها بتتفرج على المسلسل.
