خطوات واجب مراعتها لتسريع موقعك الالكتروني
1- اتأكد ان مكان السيرفر قريب من مكان دولتك عشان فرق المسافة عامل مهم،
ولو كان في دولة بعيده اطلب نقل الاستضافة لسيرفر اخر في بلد اخرى قريبة.
2- اتأكد ان السيرفر نفسه موارده كافية بالنسبة للمواقع اللي انت حاططها عليه لان دا عامل مهم جدا.
3- لو الاتنين مفيش فيهم مشاكل حاول تقلل عدد الplugins قدر المستطاع
لانهم بيكونوا عامل من العوامل الاساسية في بطء الموقع.
4- متنزلش اكتر من اداة واحدة لتحسين الأداء.
5- امسح كل الصفحات والبوستات الغير مستخدمة لانها بتاخد مساحة من قاعدة البيانات.
6- ماتستخدمش صور HD ابدا دايما قلل جودة الصور او قلل ابعادها قدر المستطاع
واستخدم صور امتداد jpg لو كانت صور غير شفافة وطبعا مع مراعاة انها تفضل برضو بجودة كويسة ومريحة للعين.
7- استبدل الرموز المستخدمة بدلا من صور png لرموز امتداد svg او لو رموز
موجوودة في مكتبة Font Awesome استخدمها افضل.
8- اعمل inspect وراقب اداء الموقع وشوف ايه اكتر حاجة واخدة مساحة في الصفحة
وحاول تشيلها او تحسن منها وشوف اكتر حاجة اخدت وقت في التحميل وبرضو حاول تحسنها او تستبدلها.
9- حاول الصفحة متكونش طويلة اوي عشان دا بيتقل الموقع بشكل كبير
ولو فيه محتوى صور استبدله بمحتوى كتابي لو امكن.
10- لو بتستخدم Slider Revolution فاحرص كل الحرص على انك
ماتستخدمش اكتر من 3 سلايدر عشان البلجن دا تقيل وبينزل معاه ملفات كتير.
قد يهمك: خطوة بخطوة كيف تصنع متجر الكتروني مجاني
