الاستثمار في العملات الرقمية البتكوين وأخواتها

المقال ده مهم وانا باكتبه بعد اكثر من شهر من التركيز علي متابعة ملف العملات الرقمية

اولا: بطبعي اميل الي استثمار فائض الأموال في مشروعات منتجة تعمل قيمة مضافة ولذلك وقفت ضد الفوركس “تداول العملات المعروفة والذهب 

ثانيا : اما درست الاستثمارات وكلها تنتمي للمشروعات الصغيرة وجدت الاجواء او بيئة الاستثمار محتاجة وقت اطول وشفافية اكثر فتوقفت الي حين اخر

ثالثا: اما درست ملف العملات الرقمية من كل جوانبه وجدت انها مختلفة تماما عن الفوركس لكن للاسف خبراتنا بالمنطقة العربية ضعيفة اما بسبب قيود البنوك المركزية او عدم السماح بتحويلات وخلافه

رابعا: انا عن نفسي حاولت اعمل محفظة وعملت خطوات مهمه وتلقيت علي تليفوني اكواد وزودت المواقع ببياناتي لكن لم اتمكن من اكمال خطوات مهمه : ازاي اشتري ؟ طيب لو اشتريت ازاي ابيع؟ وكمان لو بعت وعاوز فلوسي كاش ازاي ؟ واقسم بالله ما عندي مانع ولو 1 من مليون في المية ان انقل اي خطوة للعامة الناس تستفيد منها لانه سوق عالمي موش سوق ضيق لو دخل الناس فيها هياثر عليك

تعالوا الاول للمعلومات 

1- فيه في العالم تقريبا 1378 عملة الكترونية او رقمية يتراوح سعر العملة الواحدة بين 14 او 15 الف دولار لحد اقل من سنت واحد يعني بدولار تقدر تشتري 100 وحدة 
2- فيه عملات بيتم اطلاقها بمعني اما اخلص البوست ده ممكن الرقم يزيد الي 1390 عملة مثلا
3- القيمة السوقية للعملات الرقمية بعد الاسبوع اللي فات اللي سجلت اكبر خسائر يقترب من نصف تريليون دولار 

4- باقي من البيتكون عشان تحصل عليه بالتعدين 15 الف بس ولكده العرض قليل والطلب عالي اوي فارتفع سعره وقرب من 20 الف دولار
5- لحد الان الخطاب الاعلامي العالمي – سيبكم من العربي او النامي – لايعتزم اتخاذ اجراء ضد العملات بل بالعكس بقي فيه استثمارات في العملات زي شركة يابانية هتقبض موظفيها بجزؤ من البتكوين , واحد بريطاني عرض منزله للبيع وعاوز تمنه بالبيتكوين , وزير بريطاني وقف امام مجلس العموم وقال مافي خطورة من العملات دي علي العملات المعروفة 

6- ان كان قيمة العملات الرقمية السوقية يقترب من نصف تريليون دولار فان اجمالي المتداول يوميا من العملات المعروفة دولار يورو ين استرليني وغيرها يبلغ اكثر من 5 تريليونات دولار من هنا قللوا مخاوفهم
7- العملات العادية بتتحدد قيمتها من قبل 5 مصارف عالمية وده موضوع بيعني ان فيه تدخل بشري وكذلك الذهب , العكس في الرقمية مفيش حد بيتدخل فيها ودي اهم ميزة
8- لو انا معايا مليون دولار عملات رقمية ومحتاج الفلوش كاش او في حسابي البنكي هل المصرف العربي هيقبلهم؟ ولا لزم يكون ليه حساب اخر في دولة تانية ؟ ده سؤال مهم جدا يا جماعة 

تعالوا للخطوات التنفيذية

1- عشان تستثمر فيث العملات الرقمية انسي انك تضارب يعني تشتري وتاني يوم تبيع عشان كل عملية بيتخصم منك 10% فممكن تضيع المكسب , طيب نعمل ايه او نصيحيتي ايه؟ استثمر استثمار استراتيجي بمعني اختر عملة واقرأ عنها كويس اوي واختر عملة اقل من دولار وتكون مقبولة للتعامل مع بنوك كتير واشتري كمية منها وانساها فترة ولو عامين او ثلاثة 
2- خلال العامين دول او التلاته ممكن تلاقي عملة واعدة بيانتها وقواعدها سليمة خد جزء من محفظتك واشتري بيه وهكذا واعتقد كده في خلال ال 3 سنوات الالف دولار اللي اشتريت بيهم في اول استثمار ممكن يتضاعفوا اكتر من 5 مرات 

خطوات البدء والتسجيل

1- ادخلوا علب اللينك ده واعملوا محفظة 

2- عشان تشتري ريبل او غيره محتاج بنك اونلاين … يعني بنك فيه فلوس وفيه مواقع كتير
اوي واكثرهم ثقة موقع اسمه perfectmoney وهتلاقوه في اللينك ده 
3- انا علي ما فهمت بتحط فلوسس في الموقع ده وتدخل علي مكان الشراء فبتقول ليه انا عندي فلوس في بيرفكت موني perfectmoney وهوه موقع ايسلندي وبتشتري الريبل او البيتكوين او غيره وبيتحول لمحفظتك
4- فيه كمية كودات وباسوردات وحجات للتامين محتاجه يبقي معاك ورقة وقلم عشان تسجل كل ده بالظبط
5- فيه موقع تاني بيقول انك ممكن تعمل محفظة علي الديسك توب ولو قريتي الموقع ده هتلاقوا ازاي وانا حاولت بس فشلت ليه موش عارف
6- ماتنسوش للي هيعمل محفظة يثبت الموقع ده علي كمبيثوتره او تليقونه عشان يشوف تداولات كل العملات لحظة بلحظه من هنا

نيجي للامور الاكثر اهمية

1- انا كتبت البوست الطويل ده لاني اؤمن لو عندي معلومة مستحيل ابخل عليها لاي حد 
2- انا لا اتحمل اي تراجع او خسارة ولا ادعوك للاستثمار ولا امنعك منه انا مهمتي احط المعلومات امامك وانت تشغل عقلك
3- انا لا اثق في الشركات اللي بتعمل اعلانات لانها بتمص دم العملاء وللاسف سبق ونشرت ازاي ضحكوا علي نا كسبت الاف من الدولارات ومفيش حد وقفهم عند حدهم او رد الفلوس وعشان كده البوست ده عشان نوصل نعمل استثمارنا بنفسنا

انا كمان باتمني ان حد يبادر ويعمل مجموعة مثلا علي الفيس بوك او الواتس اب وتكون مغلقة والناس تتبادل المعلومات …ان تكنز معلومة تهم غيرك ليس والله من الاخلاق ولا الدين ده ديديني