تاريخ حي || هيضة دمياط .. بداية وباء الكوليرا في مصر

عارفين الهيضة دى اللى هيا ايه؟؟

بص يا سيدى..

النحس الإنكليزي ركب مصر يوم 13 سبتمبر.. بدايته كانت لجنة التعويضات في فبراير 1883بعدها علطول حادث الهيضة في يونيو..

حادث ارعب البلد كلها من أقصاها الى أقصاها بدون مبالغة.

الهيضة تبقي الكوليرا .. الإنكليز بدأوا يشغلوا التجارة بين مصر والهند .. الإنكليز محتلين طفيليين عاشوا على مص دم الشعوب حتى آخر قطرة.. الهند كمثال..

رغم انهم كسبوا منها بلاوى خلال 90 سنة احتلال .. الا انهم سرقوا الذهب الموجود في المعابد والقصور القديمة وهما خارجين.. زيهم زى اوسخ حرامي في اقل حي شعبي في العالم.. ولا امبراطورية ولا حضارة ولا رأيت اسلاما بلا انجليزيين.. ولا الهري ده كله..
مجرد لصوص..

مراكب تجارة جايه من الهند وقفت في بورسعيد ومنها الى دمياط.. وفى دمياط بدأت الكارثة.

بدأ الوباء بأعداد بسيطة وصلت الى الاف في اقل من أسبوعين زى ما كتبت جريدة البوسفور اجبسيان في عدد 8 يوليو.. دائرة الوباء تتسع والوفيات كل يوم بالعشرات.. دمياط ميناء مزدحم وفيها ترعة بتوصل مية النيل للأراضي الزراعية.. شوارعها ضيقة متعرجة وبيوتها سيئة التهوية.. وعى المواطن الدمياطي في الأرض والبيوت مفيهاش صرف وحاجة تكسف..

شغل خيالك بقي مع العوامل اللطيفة دى وتخيل انتشار الكوليرا كان عامل ازاى..

لما انتبه الإنكليز للمصيبة بعتوا في الحال يستدعوا دكتور روبرت كوخ من المانيا والكيميائي لويس باستير من فرنسا ومعاهم شلة كبيرة من أطباء الحميات والباطنة وعلماء الجراثيم من روسيا..

دمياط تحولت الى منطقة عزل صحى بحجم المدينة كلها علشان يعرفوا ايه اللى بيحصل وحصل امتى وهيحاربوه ازاى.

المريض رقم صفر

انقسمت آراء العلماء حوالين بداية الوباء الى قسمين..

الإنكليز قالوا ان الوباء بدأ محليا في دمياط علشان الناس هناك بخلاء وميعرفوش اى حاجه عن العادات الصحية السليمة وأساليب الوقاية.. الفرنسيس قالوا لا.. الانجليز بيهبدوا علشان يخبوا خيبتهم..

مركبهم اللى وصلت لدمياط يوم 22 يونيو 1883 كان عليها عطشجي اسمه محمد خليفة.. الراجل ده هو المريض رقم صفر.. كل المرضى خدوا العدوي من حد معروف الا هو.. هو جه من بره ملوث جاهز.. وده كان الرأي اللى اقتنع بيه اغلب البعثات العلمية اللى اشتغلت في مصر لمقاومة الوباء.

بداية ظهور وباء الكوليرا في العالم

بسبب نهر الجانج وممارسات الهندوس ضرب وباء الكوليرا العالم 7 مرات.. كل مره عشرات الالاف من الضحايا.. الكوكب ده مبتلى بالهند والصين.. يا رب يحاربوا بعض علشان نخلص وننضف.

طيب.. هل الوباء ضرب دمياط بس؟؟

لا طبعا.. الوباء سرح من دمياط رغم الحجر الصحي الى وجه بحرى كله ثم القاهرة ومنها الى الجيزة ثم الصعيد كله.. وأخيرا توقف عند قنا بدون سبب مفهوم. .. بركة سيدى عبد الرحيم الجناوي اكيد يا ولد أبوي..

الناس من الرعب هجرت بيوتها وهربت بالالاف على الشام وأوروبا .. اى واحد داخ حبتين وللا جاله هبوط يبقى مصاب علطول .. واللى زاد وغطى ان رمضان جه والوباء موجود والناس مفرهده من الصيف خلقه ..

شر البلية …

بيحكي احمد شفيق عن مكارى (صاحب حمار) كان بينقل راكب في شارع السبع بنات في اسكندرية .. المكاري داخ من الجري ورا الحمار وهو صايم فركن جمب شجره يريح في الظل شوية ..

ولجل حظه الدكر ان لجنة من بتوع الصحة كانت معديه .. قوم الراكب اللى معاه طلع ندل وفتن عليه لبتوع الصحة.. قالهم الراجل ده عنده كورونا (كوليرا) تعالوا خدوه..

بتوع الصحة ما صدقوا وهجموا على الراجل علشان ياخدوه على الحجر.. الراجل بقي يرفص فيهم ويقولهم سيبونى يا ولاد الكلب انا عندي عيال.. هو يرفص وهما يشدوا.. لحد ما الرجل اتشعبط في فرع شجرة ومحدش قدر عليه..

لم ينقذ الموقف الا مرور طبيب مصري شاف الموقف وقالهم سيبوه يا بهايم.. هو لو كان عيان كان قدر يقاوم كل ده؟؟
بووووم..
الدكتور قصف جبهة اللجنة وسط وتصفيق من الناس في الشارع.

طيب الناس بتصقف ليه؟؟

اللجنة بتعمل شيء لصالحهم.. ده لو عيان يبقى كلهم في خطر.. الأصول يساعدوهم .. 
اه.. ده الكلام المنطقي ..

بس اللجنة دى بتمثل الحكومة المكروهة من الشعب.. علشان كده فرحوا في هزيمتها قصاد العربجى حتى لو كانت الهزيمة خطر على الكل.

انتهى الوباء تماما في ديسمبر بعد ما حصد 60 الف روح حسب كلام الرافعي “أبو الشفاشيق بيقول 40 الف” كان للقاهرة منهم نصيب الأسد.. 5564 ضحية اغلبهم في بولاق.

الفرق بين كلام الرافعي وكلام شفيق زى الفرق بين عبلة كامل وصافيناز.. الاتنين مؤرخين.. بس واحد محايد والثاني صاروووووخ. بس صاروخ في التعريض..

أحمد شفيق كان ناقص يمسك صاجات ويرقص لتوفيق وهو بيوصف حكمته وبراعته في إدارة الموقف.. منسيش طبعا الضرب في عرابي من تحت لتحت.. كتاب مذكراتي في نصف قرن ده عبارة عن كورس مكثف في فنون التعريض.
شوف معايا كده..

“لم تكد الثورة العرابية تضع أوزارها وينقضي عهد الفتن والاضطرابات التي أفضت إلى الاحتلال الإنجليزي حتى منيت مصر بآفة جديدة
لا تقل عن آفة الثورة ضررا بالبلاد وفتكا بالعباد”.
الثورة العرابية آفة!!!

آفة يا ابن ال…!!

الثورة فشلت وعرابي منفي وحيد ملوث السمعة.. الا انه برضه اللى عمله عرابي في 2011 هو السبب ان اثيوبيا تجرأت علينا وبنت السد.. خرم في النافوخ عندهم اسمه عرابي وثورة يناير.

وايه تانى؟؟

“وعلى رغم ما بذل من الجهود الكبيرة وما اتخذ من الوسائل الفعالة التي اشتركت فيها البعثات الدولية المشار اليها مع الحكومة واللجان الطبية المصرية فقد انتشر الوباء في أقاليم القطر ومدنه انتشارا مريعاً.. وأشد ما كان ذلك في الاحياء المكتظة بالسكان ولا سيما حي بولاق حيث كانت ضحاياه تعد بالألوف”

واخد بالك شفيق بيقول ايه؟؟
الحكومة عملت اللى عليها.. بس الشعب هو اللى جاهل.
وشوف كمان الحتة المصطفى بكرية دى..

“نحن نذكر ان جناب الخديو كان يطوف بنفسه احياء الإسكندرية وشوارعها التي كانت قد انتقل اليها الوباء في 7 يوليه ويتفقد المستشفيات والمصحات ويواسى المصابين ويصدر الأوامر المشددة بالمواظبة على تنظيف المدينة وتطهيرها بالمواد الكيمياوية.. ونسج الحكام في الأقاليم على منوال الخديو في تفقد الأماكن الموبوءة ومراقبة تنفيذ التحوطات الصحية وارشاد الناس الي طرق الوقاية “

عشت لنا نبراسا نمشى وراه يا تيفا.. لا حرمنا الله من ميتين امك.
اما لهؤلاء المطبلاتيه من نهاية!!!