انت عارف فايدة التوم ايه؟؟!
طبعا قبل اى كلام التوم ميتاخدش على معده فاضيه عشان هيهرى المعده…
لا حرفيا هيهرى المعده…
انا جربت الموضوع دا لمدة شهر قبل كدا و بهدلنى و لو اكلت توم محدش يقرب منك لا من قدام ولا من ورا ولا من يمينك ولا من شمالك ولا ارض ولا جو ولا من جميع الاتجاهات.
بص انت تحبس نفسك فاوضه ٤ حيطان لحد ما الامور تهدى مش تمشيلى فالبيت فواحه، التوم دا بيعمل ريحه فنفسك و بيكركب البطن و حاجه ما يعلم بيها الا ربنا بس كل دا يغفر لفوايد التوم العظيمه اللى هى :
فوائد هائلة للثوم
١- اشهر حاجه بيعملها انه بيقلل مستويات الكوليسترول و الدهون الثلاثيه فالدم و بيقلل نسبة الدهون الضاره و بيرفع نسبة الدهون الجيده.
٢- و بالتالى هو مفيد جدا و بيحافظ على صحة القلب و الشرايين.
٣- بيقلل فرص حدوث الجلطات لا قدر الله و بيمنعها.
٤- غنى جداااا بالفيتامينات و المعادن المهمه و الضروريه لجسمك بصفه عامه و عشان بيرفع المناعه بصفه خاصه.
٥-بيعالج اعراض الذكام بشكل اسرع من المعدل الطبيعى.
٦- الوقايه من الامراض السرطانيه.
٧- بيحارب الديدان و الطفيليات.
٨- بيقلل من المضاعفات و المشاكل المصاحبه لمرض السكرى زى مشاكل الكلى و العين و الاعصاب.
٩- بيحارب التهاب المفاصل.
١٠- بيحمى الجسم من سمية المعادن الثقيلى.
١١- و بيحسن من ادائك الرياضى.
طبعا فى فوايد تانيه كتييييير و لكن حاول توزع التوم فوسط اكلك.
او فطبق السلطه اللى انت مبتاكلهوش لانه فعلا مفيد جدااااا جدا جداااا.
قولى بقا… بتاكل التوم ازاى ؟! و اكلته امتى اخر مره.
قد يهمك: غلاء الاسعار في الباذنجان
