.1 – الخمرة ” عادي ” جدا مش بس مع شخصية لأ ! ده مع جميع أفراد الأسرة ! خدوا بالكم إحنا بنتكلم على مسلسل رمضاني مش فيلم سيما ولا فيلم ! ده مسلسل ! يعني كل افراد الاسرة بتتفرج !
2 – أكثر من فرد من أفراد العائلة وهم الأبناء يمارسون الفاحشة أو الزنى أو الدعارة ( علاقات عاطفية ) بمصطلح الفن الهادف طبعا , ” عادي ” !
3 – شخصية في الفيلم بغض النظر عن إنها أصلا بتمارس الفاحشة والزنى والدعارة ” عادي ” إلا إنه في سياق موازي يسأله شخصية أخرى في الفيلم , ماذا فعلت زوجتك عندما علمت بعلاقاتك المشبوهة ” يعني بدعارة حضرتك ) يرد ويقول : ( دعمتي من أجل استمرار الأسرة ) !! ” دلوقتي الفن وصلنا لمرحلة الدعم ” عادي !
4 – البنت لما تعيش في الحرام في علاقة زنى صريحة والأهل يكونوا متقبلين الموضوع حضرتك ده بقى ” عادي ” ! انت بس اتفرج وسلي صيامك وكل الافكار دي هتمر على عقلك اللاواعي شئت أم أبيت .. عادي .
5 – زواج البنت الزانية ” الأوبن ميند ” من شخص زاني ما هو إلا غلاف لإرضاء المجتمع ( الجاهل ) بمصطلحات الحريات , اللي هو مجتمع المسلمين حضرتك اللي بيقولوا على العلاقات العاطفية ( زنى وفاحشة ) اللي هو مصطلح القرآن عن الموضوع , يعني فقط الزواج لتحسين صورتها في هذا المجتمع ! عادي !
6 – المرأة المطلقة اللي تنام مع طليقها في الحرام ( تزني مع طليقها زنا صريح ) ” عادي “
وطليقها بينام مع حريم كبيرة في السن عشان الفلوس ” بيزني بالنساء ” عادي , هو مسلسل ولا تأصيل لفكرة حرية الدعارة !
7 – قصة إنك تعيش مع واحدة خمس سنين في الحرام ” مقضينها زنى ” وتجوزها لما هي تضغط عليك وهي حامل في الشهر الخامس ” وهي تكون متجوزة برضو عشان الفضيحة مش قصة حرام وحلال لأ أبدا .. ده حضرتك الأب والأم في المسلسل ” عادي !
كل موسم بيكون في كمية لترسيخ تأصيل لكل ما هو حرام وفاحش وداعر في المسلسلات ( إنــــــه شيـــــــئ عــــــــــــــادي ! ) بحيث يمر على عقلك اللاواعي في سياق الدراما والأحداث !
اللي في الفترة القصيرة اللي فاتت والحالية كانت بشعة بكل المقاييس والقادمة هتكون أبشع واحنا فعلا مش هنقدر نلم كل حاجة فيها … ولكن .. ادينا بنحاول نخليكم تتفرجوا بشكل مختلف دوروا ما بين السطور , الموضوع لا هو عفوي ولا طبيعي الموضوع مقصود , الموسم اللي فات كان ( الخيانة الزوجية , كانت كمية مسلسلات بتكلم عن الموضوع ده ببشاعة وبقرف منقطع النظير ) . . . !
.
المسلسل فيه كلام كتير احنا فقط ذكرنا نقاط بارزة وانتوا كملوا بقى … بيقولك الفن رسالة .. الفن رمضان الماضي ده كان رسالته ” رسالة دعارة ” .
