سمير غانم بيقول فاحدى مسرحياته
“كل بروطين و العب فالطين”
و دا يخلينا نسال نفسنا ايه علاقة البروتين بالطين؟؟!
هو فالحقيقه ملهمش اى علاقه ببعض و لكن دا يخلينا نسال نفسنا برضو سؤال تانى مهم
ايه هى اهم مصادر البروتين النباتيه؟؟!!
طبعا احنا عاارفين ان البروتين من اهم العناصر الغذائيه اللى الجسم بيحتاجها فى بناء نفسه و نمو الجسم ووزيادة الكتله العضليه بالنسبه للرياضين
يعنى دا عنصر مينفعش نستغنى عنه نهائ، طبعا اهم مصادر البروتين اللحوم بانواعها و الاسماك و دى بنسميها مصادر حيوانيه.
و الفول و دى المصادر النباتيه و من اهم مصادر البروتين عندنا و دا اللى هنتكلم عليه النهارده.
أقرأ المزيد: غلاء الاسعار في الباذنجان
فوائد الفول المدمس الرائعة
الفول المدمس اعظم وجبه غذائيه فالتاريييييخ
بص يا سيدى
١- اول حاجه و اهم حاجه مصدر رائع للبروتين و لكن امتصاص البروتين النباتى بياخد فتره اطول من امتصاص البروتين الحيوانى فبيسحب كل الدم فالجسم ناحية المعده
عشان يهضم بقا دا فول يا عم و دا التفسير العلمى انك لما بتاكل فول دماغك بتقفل
يسالوك انت مين تقولهم مش عارف طب انت هنا بتعمل ايه برضو مش عارف
٢- بيحتوى على نسب عاليه من الحديد و بالتالى مفيد جدا فى حالات الانيميا وعشان كدا حرااام تشرب وراه شاى ولازم تسيب ساعتين لولا ما تشرب شاى لان زى ما شرحنا قبل كدا الشاى بيمنع امتصاص الحديد
٣- مصدر رائع للفوليك اسيد و عشان كدا غذاء ممتاذ للحوامل او للسيدات اللى بيخططو لحدوث حمل و كمان مفيد جدا فحالات الانيميا
٤- مصدر غنى بالالياف فبيديك شعور بالشبع لفترات طويله و عشان كدا مفيد للناس اللى بتعمل دايت و بتخسس
٥- مصدر رائع لفيتامينات ب
٦- مصدر ممتاز للماغنسيوم ووالماغنسيوم مشهور بانه بيقلل من القلق و التوتر و يساعد على الهدوء و النوم و كمان بيقلل من تقلصات العضلات و بيحسن ادائها
٧- بيمدك بالطاقة لفترات طويله يعني ممكن تشتغل كتير من غير ما تحس بتعب
٨- بينظم مستويات السكر فالدم لفترات طويله
٩- بيزود من مستويات الدهون النافعه فالجسم و بالتالى بيحسن من صحة القلب و الشرايين
نقطه مهمه جدا
ناخد بالنا ان القاعده العامهزد بتاعتنا “ما زاد عن حده انقلب الى ضده”
ووعشان كدا الاكثار من الفول ممكن يرفعلك اليوريك اسيد و ممكن يسببلك داء الملوك اللى هو النقرس زى ما شرحته قبل كدا
يبقا منكترش اكل الفول و ناكل بالمعقول.
قد يهمك: ماهي أنواع زيت الزيتون المختلفة؟
