طرق ومحاولات لأسترجاع الملفات بدون فك التشفير او دفع الفدية :
بخصوص فيروس الفدية Ransomware
في طرق تانية فرصها قليلة لاستعادة ملفاتك
– ممكن تتواصل مع Dr.Web عشان يفكلك ملفات الاوفيس مقابل مبلغ حوالي ١٥٠ يورو (اه ملفات الاوفيس فقط)
– ممكن تستخدم shadow explorer اوقات قليلة بيرجعلك بعض ملفاتك لأن المفروض فيروس الفدية يمسح الshadow copies اصلا بس اوقات بيحصل glitch للmalware
——————————————————
حالات بتنجح فيها إعادة تسمية الملف
– اوقات الmalware بيحصله glitch وبيضيف الfile maker ولكن مبيشفرش الملفات يعني مجرد بيضيف باقي الاسم فقط مثلا example.reco
– اوقات لو الملف حجمه كبير بيحصله skip ومبيتشفرش وبيتضاف الامتداد فقط
– لو الملف المتشفر مضغوط zip أو rar وحجمه كبير مش صغير امسح الامتداد وافتحه بwinrar واعمل extract من اول تالت ملف لأن اول ملفين عادة بيكونو هما اللي اتشفرو فقط
– ملفات الصوت كلها لما تشيل امتداد الفيرس هترجع تشتغل مع فقد اول جزء منها
دي الحالات الوحيدة اللي بتنجح فيها إعادة تسمية الملف وإزالة امتداد الفيرس
انما أن حد يروح لمهندس ويسميه مهندس كمبيوتر ويقوله ده ولا فيرس ولا بتاع وشيل اخر كلمة بس ده ربنا يسامحه
——————————————————
طب الrecovery ؟
– بعض الناس ربنا يسامحهم بيقولوا فرمط الهارد بعدها اعمل استعادة لملفاتك
للأسف لما تعمل كده ملفاتك هترجع متشفرة وكمان corrupted
عايز تجرب الrecovery جربها من غير ما تفرمط
قد يهمك: افضل برامج لاسترجاع الداتا المحذوفة لو اتصبت بفيروس الفدية
——————————————————
لو دفعت الفدية هيفكولي تشفير ملفاتي ؟
في عيلة stop djvu اه هتدفع وهتستلم أداة فك التشفير + مفتاحين فك التشفير واحد private والتاني offline
“لما تاخدهم ابعتهملي”
– ولكن !
طول ما الناس بتدفع فيرس الفدية هيستمر وهيتطور
قد يهمك:
