خدعوك فقالوا … الأهلي بيكسب بالحكام

اكثر جملة بتتردد من كارهي النادي الاهلي هي ( الاهلي بيكسب بالحكام ) .. وبعد البحث ومحاولة تجميع كل الاتهامات اللي اتقالت في الموضوع ده .. لقيت تقرير طويل على منتدى ( كورة ) وكان عليه تفاعل ممتاز قبل حذفه .. وطلع موضوع الاتهامات ده قديم قدم انشاء النادي الاهلي نفسه !

نسخة كاش جوجل من التقرير اهو ودول اقدم اتهامين .. لقيت لهم ردود مقنعة .. 

1 – سنة 1917 وبعد انشاء النادي الاهلي بعشرة سنوات .. وفاز باول بطولاته ضد فريق ( الجيش الملكي البريطاني ) واستقدم اتحاد الكرة ( طاقم حكام الماني ) خلى الاهلي يفوز ( 6 : 1 ) لكراهية الالمان للبريطانيين .
الرد : اول بطولة اللي فاز فيها فريق الجيش البريطاني مش الاهلي .. ومكانش بيلعب مع الاهلي كمان .. كان بيلعب مع الزمالك .. عشان الاهلي كان رافض يشارك الاحتلال الانجليزي في البطولات.. وكمان كانت المباراة بتحكيم انجليزي مش الماني .

2 – سنة 1923 فوز الاهلي بالدوري على الزمالك بعد انسحاب الزمالك .. لتساهل الحكم بدخول 5 لاعبين برازيليين في الاهلي قبل المباراة .
الرد : خمسة حتة واحدة .. وبرازيليين .. ومحدش شافهم !!!

وللأسف اما لقيت معظم الاتهامات واهية ومالهاش اصل .. وكمان محدش اقتنع من كارهي الاهلي على تفنيد الاتهامات دي .. فقلت لو قعدت اجمع الاتهامات والرد عليها يبقى اكن بنحارب طواحين الهوا .. ففكرت ان نشوف لغة تانية مع بعض وهي لغة الارقام على مر التاريخ لانها الاصدق .. 

دي البطولات اللي شاركت فيها الاندية المصرية .. واولهم الاهلي والزمالك باعتبارهم اقدم فريقين .. فنشوف الارقام راحت لمين ؟

1 – كأس السلطان حسين (1917- 1938 )
فاز ( النادي الأهلي ) 7 مرات .. وبعده ( النادي المصري ) مرتين .. وبعده ( نادي الزمالك ) مرة واحدة .. ( وكان ساعتها اسمه المختلط .. وقبلها نادي قصر النيل ) .

سنوات فوز الاهلي بكأس السلطان حسين : 1922/1923، 1924/1925، 1925/1926، 1926/1927، 1928/1929، 1930/1931، 1937/1938.

2 – دوري القاهرة (1938-1953) :
فاز ( النادي الأهلي ) 16 مرة .. وبعده ( نادي الزمالك ) 14 مرة ..

سنوات فوز الاهلي بدوري القاهرة : ( 1924/1925، 1926/1927، 1927/1928، 1928/1929، 1930/1931، 1933/1934، 1934/1935، 1935/1936، 1936/1937، 1937/1938، 1938/1939، 1941/1942، 1942/1943، 1947/1948، 1949/1950، 1957/1958 )

3 – الدورى العام : 
فاز ( النادي الاهلي ) 39 مرة .. وبعده ( نادي الزمالك ) 12 مرة .

سنوات فوز الاهلي بالدوري : 1948/1949، 1949/1950، 1950/1951، 1952/1953، 1953/1954، 1955/1956، 1956/1957، 1957/1958، 1958/1959، 1960/1961، 1961/1962، 1974/1975، 1975/1976، 1976/1977، 1978/1979، 1979/1980، 1980/1981، 1981/1982، 1984/1985، 1985/1986، 1986/1987، 1988/1989، 1993/1994، 1994/1995، 1995/1996، 1996/1997، 1997/1998، 1998/1999، 1999/2000، 2004/2005، 2005/2006، 2006/2007، 2007/2008، 2008/2009، 2009/2010، 2010/2012، 2015/2016، 2017/2016 .

4 – كأس مصر :
فاز ( النادي الأهلي ) 36 مرة .. وبعده ( نادي الزمالك ) 24 مرة .

سنوات فوز الاهلي بالكأس : 1923/1924، 1924/1925، 1926/1927، 1927/1928، 1929/1930، 1930/1931، 1936/1937، 1939/1940، 1941/1942، 1942/1943، 1944/1945، 1945/1946، 1946/1947، 1948/1949، 1949/1950، 1950/1951، 1952/1953، 1955/1956، 1957/1958، 1960/1961، 1965/1966، 1977/1978، 1980/1981، 1982/1983، 1983/1984، 1984/1985، 1988/1989، 1990/1991، 1991/1992، 1992/1993، 1995/1996، 2000/2001، 2002/2003، 2005/2006، 2006/2007 ، 2017/2016.

5 – السوبر المصرى :
فاز ( النادي الأهلي ) 10 مرات .. وبعده ( نادي الزمالك ) مرتين فقط .

سنوات فوز الأهلي بالسوبر : 2002/2003، 2004/2005، 2005/2006، 2006/2007، 2007/2008، 2009/2010، 2011/2012 ، 2017/2016.

6 – دورى أبطال أفريقيا :
فاز ( النادي الأهلي ) 8 مرات .. وبعده ( نادي الزمالك ) 5 مرات .

سنوات فوز الاهلي بدورى أبطال أفريقيا : 1982, 1987, 2001, 2005, 2006, 2008, 2012, 2013 

7 – كأس الكونفدرالية : 
فاز ( النادي الأهلي ) مرة واحدة سنة 2014 .. ولم يحصل عليها أي فريق مصري غيره .

8 – بطولة أفريقيا للأندية أبطال الكؤوس :
فاز ( النادي الأهلي ) 4 مرات .. وبعده نادي المقاولون 3 مرات وبعدهم الزمالك مرة واحدة .

سنوات فوز الاهلي ببطولة أفريقيا للأندية أبطال الكؤوس : 1984، 1985، 1986، 1993.

9 – كأس السوبر الأفريقي :
فاز ( النادي الأهلي ) 6 مرات .. وبعده ( نادي الزمالك ) 3 مرات .

سنوات فوز الاهلي ببطولة كأس السوبر الأفريقي : 2002، 2006، 2007، 2009، 2013، 2014 .

10 – الكأس الأفروآسيوية للأندية :
فاز ( النادي الأهلي ) مرة واحدة 1988 .. و ( نادي الزمالك ) مرتين .

11 – البطولة العربية للأندية الفائزة بالكؤوس :
فاز ( النادي الأهلي ) مرة واحدة سنة 1994 .. ولم يحصل عليها أي فريق مصري غيره .

12 – دوري أبطال العرب :
فاز ( النادي الأهلي ) مرة واحدة 1996 .. و ( نادي الزمالك ) 2003 .

اخيرا ..

بعد الارقام دي .. وتفوق عدد مرات الفوز للأهلي من تأسيسه الى الآن .. وصعوبة شراء ذمم الحكام طول السنين دي .. وكمان الاصعب ان المباريات جوه مصر وبرا مصر .. فعليه تصبح مقولة ( فوز الاهلي بالتحكيم ) اكذوبة اخترعها كارهيه لايجاد مهرب لفشلهم .. وشماعة واهية تدحضها الأرقام .. وحتى ان تعاطف مع الاهلي بعض الحكام لشعبيته او اي اسباب تانية .. فالتحكيم برضه مش هيكون سبب اساسي في الفوز بكل البطولات دي .